ئهگهرچی شهو درهنگه ساقی بۆم تێكه كهمێكیتر
كهوا ئهمشهو سهری ههڵدا له ناخمدا خهمێكیتر
كهوا ئهمشهو سهری ههڵدا له ناخمدا خهمێكیتر
له باده ئهم ژهمه تێركه منی تینوی جگهر سووتاو
بهچی دیاره كه دهبینم شهوێكیتر، ژهمێكیتر!
بهچی دیاره كه دهبینم شهوێكیتر، ژهمێكیتر!
ئهوهنده دهردهدار و بێپهرستارم كه پێم وایه:
لهسهر كێكی تهمهن ههڵناگلرێ تازه شهمێكیتر
لهسهر كێكی تهمهن ههڵناگلرێ تازه شهمێكیتر
گهلێكم ڕۆژگاری تاڵ و شیرین ڕابوارد ئاخۆ
مهرگ مهودا دهدا دیسان ببینم سهردهمێكیتر!
مهرگ مهودا دهدا دیسان ببینم سهردهمێكیتر!
گهیشتمه سهر ترۆپكی ئارهزوو ڕۆژێكی كهچی ڕوانیم
له پێشمدایه زهرده و ماهـ و سهخت و ئهستهمێكیتر
له پێشمدایه زهرده و ماهـ و سهخت و ئهستهمێكیتر
ههتا چارشێو بهسهر تۆوه دهبینم نازهنینی كورد
بهسهر بیلبیلهكهی چاوی منا دهكشێ تهمێكیتر
بهسهر بیلبیلهكهی چاوی منا دهكشێ تهمێكیتر
نهما (خانی) تا چیرۆكی عهشقی ئێمه داڕێژێ
دهنا هێشتا له كوردستان دهژین زین و مهمێكیتر
دهنا هێشتا له كوردستان دهژین زین و مهمێكیتر
پهپوولهی خۆشهویستی من له شوێنێ ناگرێ ئارام
دهنیشێ و باڵی دهبزوێ لهسهر سینه و مهمێكیتر
دهنیشێ و باڵی دهبزوێ لهسهر سینه و مهمێكیتر
ههزار هێنده پهرێشان و سیا چاره بژیم هێشتا
له ناو دڵدا ههمه ئاواتی خاڵ و پهرچهمێكیتر
له ناو دڵدا ههمه ئاواتی خاڵ و پهرچهمێكیتر
ههتاكوو دوا پشوو ڕێبواری ڕێگهی عیشق و ئازادیم
ئهگهر بێجگه له ناكامیش نهبینم بهرههمێكیتر
ئهگهر بێجگه له ناكامیش نهبینم بهرههمێكیتر
كه فرمێسكم لهسهر ڕووخساری كیژی دڵ شكاو بینی،
گووتم: یاخوا لهسهر سوره گوڵ نهبینم شهونمێكیتر
گووتم: یاخوا لهسهر سوره گوڵ نهبینم شهونمێكیتر
شهوێكی چاوهنواڕت بووم، نههاتی گیانهكهم، ویستت
منی دڵ ناسكی شاعیر بگێڕم ماتهمێكیتر
منی دڵ ناسكی شاعیر بگێڕم ماتهمێكیتر
خدر نیم بۆ تهمهن شێت بم به كانی ژینێدا نووسێم
ئهوهندهم ژین دوێ تا دهم دهنێم نێو دهمێكیتر
ئهوهندهم ژین دوێ تا دهم دهنێم نێو دهمێكیتر
به تۆ چارهی چلۆن دهكرێ دهروونی پڕ له ناسۆرم
خهساری بۆ دهكهی دكتۆری زانا مهرههمێكیتر
خهساری بۆ دهكهی دكتۆری زانا مهرههمێكیتر
بههار و گوڵ، كچ و مانگه شهو و شیعری تهڕ و باده
لهوهی زیاتر جهنابی شێخ گهرهكته عالهمێكیتر؟
لهوهی زیاتر جهنابی شێخ گهرهكته عالهمێكیتر؟
مامۆستا هێمن
هیچ نظری موجود نیست:
ارسال یک نظر